عرفان الہدایہ (منہاج القرآن ویمن لیگ راولپنڈی) کے زیرِاہتمام مقابلہ حسن قرآءت کا اہتمام کیا گیا جس میں مختلف طبقہ فکر سے تعلق رکھنے والی تقریبا 30 قارعات نے حصہ لیا۔
گزشتہ دو ماہ سے اس مقابلے حسن قراءت کی تشہیر کا سلسلہ جاری تھا جس میں سو کے قریب آڈیشنز لیے گئے اس میں سے 30 قارعات کو سلیکٹ کیا گیا۔ پروگرام کا اغاز باقاعدہ تلاوت قران پاک سے ہوا تلاوت قران پاک کا محترمہ قاریہ سدرہ چوہدری نے شرف حاصل کیا۔ آقا علیہ الصلوۃ والسلام کی بارگاہ رسالٹ مآب ﷺ میں گلہائے عقیدت پیش کرنے کا شرف محترمہ عائشہ کیانی نے حاصل کیا۔ سٹیج سیکرٹری کی ذمہ داری محترمہ عائشہ ندیم، محترمہ سعدیہ ملک قادری اور محترمہ فریحہ نے ادا کیں۔
مقابلہ حسن قرات میں بطور جج قاری محمد فاروق الازہر (چیئرمین نور القران قرات اکیڈمی راولپنڈی)، قاری محمد ذیشان حیدر (بانی و چیئرمین انٹرنیشنل قرات ریسرچ اکیڈمی)، حافظ محمد زبیر (ڈیجیٹل روایتی میڈیا سے منسلک، گزشتہ سات سالوں سے علم و تجوید علم الحدیث علم التفسیر سے وابستہ) کو مدعو کیا گیا۔
اس کے علاوہ مہمانان خصوصی میں قاریہ سدرہ چودھری (ڈائریکٹر نور القران اکیڈمی)، ڈاکٹر زرتش فاطمہ (حافظ قران ) شامل تھیں۔
محترم شعیب ناظم تحریک منہاج القران راولپنڈی، محترم مرزا آصف ڈائریکٹر وویمن لیگ راولپنڈی، محترم مظہر الحق صاحب سرپرست ویلفیئر فاؤنڈیشن راولپنڈی نے بھی خصوصی شرکت فرمائی۔
پروگرام میں اول پوزیشن حاصل کرنے والی طالبہ سمیرہ شاہین جن کا تعلق جہلم سے ہے، جبکہ دوسری پوزیشن زینب نور نے حاصل کی، جبکہ تیسری پوزیشن محترمہ مروہ کاشف نے حاصل کی۔
پوزیشنز لینے والی طالبات میں انعامات اور سرٹیفیکیٹ تقسیم کیے گئے۔
پروگرام میں تشریف لائے ہوئے مہمانان خصوصی کے لیے بھی خصوصی سرٹیفکیٹس کا انتظام کیا گیا۔ پروگرام میں شرکت فرمانے والے والدین اور دیگر نے پروگرام کو خوب سراہا۔
تبصرہ