میلاد النبی ﷺ مہم 2024 کے مرکزی پلان کی تشکیل کے لئے منہاج القرآن ویمن لیگ کی ایگزیکٹو ٹیم کا اجلاس منعقد ہوا۔ میلاد مہم ہیڈ عائشہ مبشر نے ایگزیکٹو ٹیم کو مرکزی پلان، میلاد کمیٹیز اور اُن کی ذمہ داریوں پر بریفننگ دی۔ میلاد مہم 2024 کے لئے شیخ الاسلام ڈاکٹر محمد طاہرالقادری کی تصنیف ’’خلق عظیم کا پیکر جمیل‘‘ مرکزی تھیم کے طور پر پیش کی گئی۔
ایم ایس ایم سسٹرز کا میلاد مہم پلان صدر ایم ایس ایم سسٹرز آمنہ مغل نے پیش کیا۔ ڈائریکٹر ایگرز کلثوم قمر نے ایگرز ڈیپارٹمنٹ کے میلاد پلان سے آگاہی دی۔ مریم اقبال (کوآرڈینیٹر وائس ڈیپارٹمنٹ) نے وائس ڈیپارٹمنٹ ، لبنیٰ مشتاق نے عرفان الہدایہ ڈیپارٹمنٹ اور عائشہ شبیر نے منہاجین سسٹرز ڈیپارٹمنٹ کے میلاد مہم پلان سے روشناس کروایا۔ صدر منہاج القرآن ویمن لیگ ڈاکٹر فرح ناز، نائب صدر منہاج القرآن ویمن لیگ سدرہ کرامت علی اور کور ٹیم کی باقی ممبران نے مرکزی اور ڈیپارٹمنٹس کی طرف سے پیش کئے گئے پلانز پر اپنی آراء دیں۔
اس میٹنگ میں میلاد مہم پلان کے فائنل ہو جانے کے بعد آئندہ اجلاس میں اس مرکزی پلان کو لانچ کیا جائے گا۔
تبصرہ