منہاج القرآن ویمن لیگ ضلع بھمبر کے زیرِاہتمام سالانہ میلاد النبی ﷺ کانفرنس کا انعقاد کیا گیا جس میں خصوصی خطاب مرکزی ناظمہ زونز محترمہ انیلا الیاس نے کیا۔ کانفرنس میں نعت خوانی کے فرائض مرکزی نعت کونسل نے ادا کیے۔
شرکاء کانفرنس سے خطاب کرتے ہوئے محترمہ انیلہ الیاس نے ’’ایمان، آقا علیہ الصلاۃ والسلام کو ماننے کا نام ہے‘‘ کے عنوان پر ایمان افروز گفتگو کی۔ اپنے خطاب میں انہوں نے بیان کیا کہ آقائے دوجہاں ﷺ کی محبت و مودت ایمان کی اصل ہے۔ حضور نبی اکرم ﷺ کی محبت آپ ﷺ کی تعظیم و توقیر اور اطاعت و اتباع میں موجزن ہے۔
مزید برآں آقا علیہ الصلاۃ والسلام کی محبت کا تقاضا ہے کہ آپ ﷺ کے لائے ہوئے دین کے فروغ و نصرت کے لئے عملی جدوجہد کریں تاکہ ہم اپنی نسلوں میں ایمان کی روشنی منتقل کر سکیں۔
تبصرہ