اپنی زندگی کو صالح اعمال کے سانچے میں ڈھالیں، ریسرچ سکالر عین الحق بغدادی کا لیکچر
ڈاکٹر ثمر فاطمہ، فرح ناز، ڈاکٹر افضل کانجو، فتاب قادری، ام حبیبہ اسماعیل کا خطاب
انہوں نے کہا کہ سخاوت، ایثار، سچائی، صبر و شکر، اعتدال اور رواداری اخلاق حسنہ کا حصہ ہے۔ سیرت النبی ﷺ کانفرنس میں سینئر کلاسز کی طالبات نے بڑی تعداد میں شرکت کی۔ سیرت النبی ﷺ کانفرنس کا اہتمام نظامت تربیت کے زیر اہتمام ہوا۔
کانفرنس میں پرنسپل منہاج گرلز کالج ڈاکٹر ثمر فاطمہ، فرح ناز، ہارون ثانی، حمیرا ناز، فتاب قادری، ڈائریکٹر نظامت تربیت ڈاکٹر افضل کانجو، ام حبیبہ اور غلام احمد خان نے خطاب کیا۔
عین الحق بغدادی نے کہا کہ کسی کام کا اچھا نتیجہ محنت کے بغیر نہیں ملتا ہ میں اپنے اخلاق درست کرنے پر محنت کرنی ہو گی، جب انسان نیکی کے کاموں میں بڑھ چڑھ کر حصہ لے اور راحت محسوس کرے اور برائی اسکی طبیعت پر بوجھ بن جائے تو یہ اچھے اخلاق اور سعادت مندی کی نشانی ہے۔ ڈاکٹر ثمر فاطمہ نے اپنے خطاب میں کہاکہ الحمدللہ منہاج القرن کے تعلیمی ادارے طالبات کواعلیٰ تعلیم دینے کے ساتھ ساتھ تربیت بھی فراہم کرتے ہیں کیونکہ تربیت کے بغیرحاصل کی جانیوالی تعلیم کے مثبت ثمرات ظاہر نہیں ہونگے۔
فرح ناز نے اپنے خطاب میں کہاکہ اخلاق، ایمان اور عبادات کی روح ہے اگر نماز پنجگانہ کی ادائیگی اور عبادات کی بجا وری کے باوجود اخلاق نہ سنوریں تو اسکا مطلب ہے کہ یہ ایک بے کار کی مشق ہے، دین اسلام کی ہر عبادت کا مقصد و منتہا اخلاق حسنہ ہے۔ ام حبیبہ اسماعیل نے اپنے خطاب میں کہاکہ صالحین کی صحبت سے اخلاق سنورتے ہیں۔ حضور نبی اکرم ﷺ کی ایک فضیلت انکا اعلیٰ اخلاق کا حامل ہونا ہے۔ انکے اعلیٰ اخلاق کو خلق عظیم قرار دیا گیا۔ سیرت النبی ﷺ کانفرنس کے اختتام پر ملکی سلامتی اور خوشحالی کی دعا کی گئی۔
تبصرہ