By Sh. Sajid Fayyaz ( Paris )
in memory of his late mother

Maan, phir sai mujh ko apnai seenai sai lagaa lai
Phir mujh ko apnai thandai saayai main bithaa lai
kai teraa badal koyi nahi

phir aandhiaan hain gham ki or main hoon paraishaan
kuch zakhm log dai gayai or dil hai naatavaan
phir chehra mera apnai haathoon main chupaa lai
seenai sai lagaa lai
kai teraa badal koyi nahi

Laoon kahaan sai lamhai phir guzarai jo terai saath
sargoshiaan khudaa sai theen, paaon pai rakh kai haath
ai kaash mujhe phir tou ratoon ko jagaa lai
seenai sai lagaa lai
kai teraa badal koyi nahi

na apna hosh tha tujhai par meri thi fikar
jatai hoaai vo pyaar ki dali thi jo nazar
ik baar akai phir sai nazrain to milaa lai
seenai sai laga lai
kai tera badal koyi nahi

ik din bhi tujh ko door na rehnaa thaa gawara
kaisai karai gaa hashr tak yai baita guzara
Aanaa nahi hai paas to mujh ko hi bulaa lai
seenai sai laga lai
kai tera badal koyi nahi